Ég skellti nokkrum myndum úr afmæli Sigga inná síðuna, endilega kíkið!

Já ég fór í afmæli í gær og er að fara aftur í dag, eða í kvöld reyndar, til hennar Fanneyjar sætu! Það verður náttúrulega mikið fjör eins og vanalega hjá okkur þegar við loksins hittumst!

Annars er bara ekkert að frétta héðan úr Kópavoginum, bara þetta sama, skólinn á fullu og ekkert annað að gerast í augnabilinu. Það fer reyndar að styttast í árshátíðina hjá okkur. Hún verður haldin þann 9. febrúar á Selfossi Núna þarf maður bara að fara að spá í hverju maður ætlar að fara...margir búnir að ákveða í hverju þeir ætla að fara eða búnir að kaupa sér! Ég er oftast er það þannig að ég fer að spá í það bara svona klukkutíma áður er ég á að mæta! en það hefur alltaf reddast eitthvern vegin!

En ég er að spá í að hafa þetta ekkert mikið lengra að sinni

Sjáumst bara hress og kát!

-tinna-

Hann: Var ég búinn að segja þér hvernig ég fékk þetta sár? Það var kona sem ætlaði að skjóta mig í hjartað en hitti ekki! Ég var bara heppinn að lifa af!

Hún: Kannski ertu bara með svona lítið hjarta að það er erfitt að hitta það!

Það getur verið svolíðtið gaman að velta fyrir sér hvað er búið að breytast síðan maður var yngri!

Hér er listi yfir það sem ég man eftir, kannski ekki mikið á þessum lista en samt:

Þegar það kostaði bara 20 kr. eða eitthvað í strætó.

100kr. seðlum

Þegar það kostaði bara 500 kr. í bíó

Poxið vinsæla

Strauvélar fyrir vísakort

Þegar maður fékk mikið nammi fyrir 100 kr. en svo komu viktirnar

Garpur drykkurinn.

Það væri gaman að heyra hvað þið munið.

Svo kemur smá svona "leikur" hérna í lokin, endilega svarið þessu líka.

1. Hver ert þú?

2. Erum við vinir?

3. Hvenær hittumst við fyrst og hvernig?

4. Ertu hrifinn af mér?

5. Langar þig að kyssa mig?

6. Láttu mig hafa gælunafn og útskýrðu afhverju þú valdir það.

7. Lýstu mér í einu orði.

8. Hvernig leist þér á mig þegar þú sást mig fyrst?

9. Lýst þér ennþá þannig á mig?

10. Hvað minnir þig á mig?

11. Ef þú gætir gefið mér eitthvað hvað myndi það vera?

12. Hversu vel þekkiru mig?

13. Hvenær sástu mig síðast?

14. Hefur þig einhvern tíman langað til að segja mér eitthvað en ekki getað það?

15. Ætlaru að setja þetta á bloggið þitt svo ég geti skrifað um þig?

Nú er árið 2006 gengið í garð og vil ég óska öllum gleðilegs árs og takk fyrir það gamla!

Ýmislegt skemmtilegt hefur gerst á þessu ári og ætla ég að telja um eitthvað af því.

• Ég varð 16 ára þann 7.mars, reyndar hélt ég ekki upp á það fyrr en löngu eftir þar sem við vinkonurnar höfðum svo mikið að gera, man reyndar ekki hvað við vorum að gera!
• Samræmdu prófin byrjuðu og enduðu, og útkoman bara þokkaleg, miðað við að ég bara nennti ekki að læra fyrir þau
• Útskriftarferðin eftirminnilega og Patróferðin! Já, í útskriftarferðinni komu upp smá leiðindi hjá vinahópnum þar sem sumir voru ekki alveg númer eitt og þess háttar, en það lagaðist. Á leiðinni heim úr útskriftarferðinni skiptu lúðrasveitakrakkarnir og Sóley um rútu og brunuðu til Patreksfjarðar á sjómannadaginn. Þetta var alveg frábær ferð!
• Þá byrjaði ég í ökutímum. Þeir voru ferkar leiðinlegir en það var skemmtilegra þegar ég fékk æfingaleifið! Þá þurfti ég að bara að bíða eftir að við færum og létum skrifa undir það að bíllinn okkar væri notaður í æfingar akstur. Þá hélt ég að ég gæti loksins byrjað að keyra, en nei, pabbi alltaf að vinna og mamma þorði ekki með mér! Ég fékk að keyra nokkrum sinnum, þegar ég var að fara á æfingar og þannig.
• Þegar sumarið skall á var ég ekki komin með neina vinnu. Ég nennti bara ekki í unglingavinnuna, og þrjóskaðist þar af leiðandi við. Á endanum sá ég auglýsingu í Fréttablaðinu um að starfsfólk vantaði í Nonna Bita og ákvað að slá til. Ég fékk vinnuna, kynntist fullt af fólki og fékk gælunafnið Litla Ljós (af því að ég var lang yngst). Þetta var bara frábært sumar!
• Ég fór til Akureyrar um verslunarmannahelgina. Þar hitti ég Fanney, Andreu, Olgu, Krisjón og Arnór. Þar gerðist ýmislegt og var þetta mjög skemmtilegt!
• Ég komst inn í Kvennaskólann, lenti í alveg frábærum bekk og kynntist fullt af skemmtilegu fólki. Ég var mjög ánægð með að hafa komist inn því annars hefði ég farið í MA!
• Ég fór á nokkur böll, reyndar bara böllin í Kvennó en þau voru; Busaballið, Eplaballið og Jólaballið. (Aldrei að vita hvort ég skelli mér ekki á eitthver böll í öðrum skólum þetta árið )
• Eitthvern tíman í enda nóvember fóru mamma og pabbi ásamt fleirum til Akureyra í julefrokost. Á leiðinni heim lentu þau í smá slysi og ultu útaf, þrjár veltur eða svo. Ég fékk því líkt sjokk, en enginn slasaðis alvarlega, maðurinn sem keyrði rifbeinsbrotnaði reyndar. Bíllinn alveg ónýtur og þar af leiðandi líka æfingarakstursbíllinn minn sem tók langan tíma að fá!! Við fengum okkur nýjan bíl sem er sjálfskiptur og þarf að bíða aftur eftir að við skráum hann sem æfingarakstursbíl og þarf að fá bíl bróður míns lánaðan af því að hann er beinskiptur!
• Svo byrjuðu jólaprófin. Maður var frekar óvanur því vegna þriggja anna kerfi í Gaggó Mos. En þetta gekk bara ágætlega náði öllum prófunum, var reynar svolítið stressuð að fá einkunnirnar, en var mjög ánægð þegar ég fékk þær og var komin í jólafrí!!
• Í jólafríinu gerði ég ekki neitt í bókstaflegri merkingu. Ég var ekkert að vinna, var bara í leti og gerði ekki neitt. Ég verð reyndar að segja að ég var orðin frekar þreytt á því, en svo var hringt í mig frá Nonna Bita og ég var spurð hvort ég vildi ekki koma að vinna einn dag og ég gerði það!
• Áramótin voru svona allt í lagi. Leiddist svolítið en já, allt í lagi. Hefði viljað hitta eitthverja! en það verður bara næst eða eitthvað, þá er maður kominn með bílpróf og svoleiðis

Ég vil þakka öllum enn og aftur,sem á eitthvern hátt voru með mér á árinu gleðilegs árs og takk æðislega fyrir það gamla!